Shivashtakam

प्रभुं प्राणनाथं विभुं विश्वनाथं जगन्नाथनाथं सदानन्दभाजम् ।

Prabhum Prananatham Vibhum Vishvanatham Jagannatha Natham Sadananda Bhajam

prabhuṃ prāṇanāthaṃ vibhuṃ viśvanāthaṃ jagannāthanāthaṃ sadānandabhājam

The master, the lord of life, the all-pervading lord of the universe, lord even of Vishnu, ever full of bliss;

भवद्भव्यभूतेश्वरं भूतनाथं शिवं शङ्करं शम्भुमीशानमीडे ॥ १ ॥

Bhavad Bhavya Bhuteshvaram Bhutanatham Shivam Shankaram Shambhum Ishanam Ide

bhavadbhavyabhūteśvaraṃ bhūtanāthaṃ śivaṃ śaṅkaraṃ śambhumīśānamīḍe

ruler of present, future and past, lord of all beings — I praise Shiva, Shankara, Shambhu, the Lord.

गले रुण्डमालं तनौ सर्पजालं महाकालकालं गणेशादिपालम् ।

Gale Rundamalam Tanau Sarpajalam Mahakala Kalam Ganeshadi Palam

gale ruṇḍamālaṃ tanau sarpajālaṃ mahākālakālaṃ gaṇeśādipālam

With a garland of skulls at his throat and snakes around his body, Death of Death itself, protector of Ganesha and his hosts,

जटाजूटगङ्गोत्तरङ्गैर्विशालं शिवं शङ्करं शम्भुमीशानमीडे ॥ २ ॥

Jatajuta Gangottarangair Vishalam Shivam Shankaram Shambhum Ishanam Ide

jaṭājūṭagaṅgottaraṅgairviśālaṃ śivaṃ śaṅkaraṃ śambhumīśānamīḍe

magnificent with the leaping waves of the Ganga in his matted locks — I praise Shiva, Shankara, Shambhu, the Lord.

मुदामाकरं मण्डनं मण्डयन्तं महामण्डलं भस्मभूषाधरं तम् ।

Mudamakaram Mandanam Mandayantam Mahamandalam Bhasma Bhushadharam Tam

mudāmākaraṃ maṇḍanaṃ maṇḍayantaṃ mahāmaṇḍalaṃ bhasmabhūṣādharaṃ tam

The mine of joy, the ornament who adorns all things, vast as the great circle of the cosmos, wearing ash as his decoration;

अनादिं ह्यपारं महामोहमारं शिवं शङ्करं शम्भुमीशानमीडे ॥ ३ ॥

Anadim Hyaparam Mahamoha Maram Shivam Shankaram Shambhum Ishanam Ide

anādiṃ hyapāraṃ mahāmohamāraṃ śivaṃ śaṅkaraṃ śambhumīśānamīḍe

without beginning, without limit, destroyer of the great delusion — I praise Shiva, Shankara, Shambhu, the Lord.

वटाधोनिवासं महाट्टाट्टहासं महापापनाशं सदा सुप्रकाशम् ।

Vatadho Nivasam Mahattatta Hasam Mahapapa Nasham Sada Suprakasham

vaṭādhonivāsaṃ mahāṭṭāṭṭahāsaṃ mahāpāpanāśaṃ sadā suprakāśam

Dwelling beneath the banyan tree, roaring with great laughter, destroyer of great sins, ever shining brightly;

गिरीशं गणेशं सुरेशं महेशं शिवं शङ्करं शम्भुमीशानमीडे ॥ ४ ॥

Girisham Ganesham Suresham Mahesham Shivam Shankaram Shambhum Ishanam Ide

girīśaṃ gaṇeśaṃ sureśaṃ maheśaṃ śivaṃ śaṅkaraṃ śambhumīśānamīḍe

lord of the mountain, lord of the hosts, lord of the gods, the great lord — I praise Shiva, Shankara, Shambhu, the Lord.

गिरीन्द्रात्मजासङ्गृहीतार्धदेहं गिरौ संस्थितं सर्वदापन्नगेहम् ।

Girindratmaja Sangrihitardha Deham Girau Samsthitam Sarvadapanna Geham

girīndrātmajāsaṅgṛhītārdhadehaṃ girau saṃsthitaṃ sarvadāpannageham

Half of whose body is taken by the daughter of the mountain king, who lives on the mountain, ever a home for those in distress;

परब्रह्म ब्रह्मादिभिर्वन्द्यमानं शिवं शङ्करं शम्भुमीशानमीडे ॥ ५ ॥

Parabrahma Brahmadibhir Vandyamanam Shivam Shankaram Shambhum Ishanam Ide

parabrahma brahmādibhirvandyamānaṃ śivaṃ śaṅkaraṃ śambhumīśānamīḍe

the supreme Brahman, worshipped by Brahma and the gods — I praise Shiva, Shankara, Shambhu, the Lord.

कपालं त्रिशूलं कराभ्यां दधानं पदाम्भोजनम्राय कामं ददानम् ।

Kapalam Trishulam Karabhyam Dadhanam Padambhoja Namraya Kamam Dadanam

kapālaṃ triśūlaṃ karābhyāṃ dadhānaṃ padāmbhojanamrāya kāmaṃ dadānam

Holding a skull-bowl and a trident in his hands, granting every wish to those who bow at his lotus feet;

बलीवर्दयानं सुराणां प्रधानं शिवं शङ्करं शम्भुमीशानमीडे ॥ ६ ॥

Balivarda Yanam Suranam Pradhanam Shivam Shankaram Shambhum Ishanam Ide

balīvardayānaṃ surāṇāṃ pradhānaṃ śivaṃ śaṅkaraṃ śambhumīśānamīḍe

riding the bull, foremost of the gods — I praise Shiva, Shankara, Shambhu, the Lord.

शरच्चन्द्रगात्रं गणानन्दपात्रं त्रिनेत्रं पवित्रं धनेशस्य मित्रम् ।

Sharacchandra Gatram Ganananda Patram Trinetram Pavitram Dhaneshasya Mitram

śaraccandragātraṃ gaṇānandapātraṃ trinetraṃ pavitraṃ dhaneśasya mitram

His body shining like the autumn moon, the joy of his attendants, three-eyed, pure, the friend of Kubera;

अपर्णाकलत्रं सदा सच्चरित्रं शिवं शङ्करं शम्भुमीशानमीडे ॥ ७ ॥

Aparna Kalatram Sada Saccharitram Shivam Shankaram Shambhum Ishanam Ide

aparṇākalatraṃ sadā saccaritraṃ śivaṃ śaṅkaraṃ śambhumīśānamīḍe

husband of Aparna, always of noble conduct — I praise Shiva, Shankara, Shambhu, the Lord.

हरं सर्पहारं चिताभूविहारं भवं वेदसारं सदा निर्विकारम् ।

Haram Sarpaharam Chitabhu Viharam Bhavam Vedasaram Sada Nirvikaram

haraṃ sarpahāraṃ citābhūvihāraṃ bhavaṃ vedasāraṃ sadā nirvikāram

Hara, wearing serpents as a necklace, roaming the cremation ground, the source of being, the essence of the Vedas, forever changeless;

श्मशाने वसन्तं मनोजं दहन्तं शिवं शङ्करं शम्भुमीशानमीडे ॥ ८ ॥

Shmashane Vasantam Manojam Dahantam Shivam Shankaram Shambhum Ishanam Ide

śmaśāne vasantaṃ manojaṃ dahantaṃ śivaṃ śaṅkaraṃ śambhumīśānamīḍe

dwelling in the cremation ground, burning up the god of desire — I praise Shiva, Shankara, Shambhu, the Lord.

स्तवं यः प्रभाते नरः शूलपाणेः पठेत् सर्वदा भर्गभावानुरक्तः ।

Stavam Yah Prabhate Narah Shulapaneh Pathet Sarvada Bharga Bhavanuraktah

stavaṃ yaḥ prabhāte naraḥ śūlapāṇeḥ paṭhet sarvadā bhargabhāvānuraktaḥ

Whoever, devoted to Shiva, recites this hymn to the trident-bearer every morning

स पुत्रं धनं धान्यमित्रं कलत्रं विचित्रं समासाद्य मोक्षं प्रयाति ॥ ९ ॥

Sa Putram Dhanam Dhanya Mitram Kalatram Vichitram Samasadya Moksham Prayati

sa putraṃ dhanaṃ dhānyamitraṃ kalatraṃ vicitraṃ samāsādya mokṣaṃ prayāti

gains children, wealth, harvests, friends and a fine spouse, and at last attains liberation.