Ardhanarishvara Ashtakam

चाम्पेयगौरार्धशरीरकायै कर्पूरगौरार्धशरीरकाय ।

Champeya Gaurardha Sharirakayai Karpura Gaurardha Sharirakaya

cāmpeyagaurārdhaśarīrakāyai karpūragaurārdhaśarīrakāya

To her whose half-body is golden like the champak flower, and to him whose half-body is white as camphor;

धम्मिल्लकायै च जटाधराय नमः शिवायै च नमः शिवाय ॥ १ ॥

Dhammillakayai Cha Jatadharaya Namah Shivayai Cha Namah Shivaya

dhammillakāyai ca jaṭādharāya namaḥ śivāyai ca namaḥ śivāya

to her with braided hair, and to him with matted locks — salutations to Shivaa, and salutations to Shiva.

कस्तूरिकाकुङ्कुमचर्चितायै चितारजःपुञ्जविचर्चिताय ।

Kasturika Kumkuma Charchitayai Chitarajah Punja Vicharchitaya

kastūrikākuṅkumacarcitāyai citārajaḥpuñjavicarcitāya

To her anointed with musk and kumkum, and to him smeared with the ash of the cremation ground;

कृतस्मरायै विकृतस्मराय नमः शिवायै च नमः शिवाय ॥ २ ॥

Kritasmarayai Vikritasmaraya Namah Shivayai Cha Namah Shivaya

kṛtasmarāyai vikṛtasmarāya namaḥ śivāyai ca namaḥ śivāya

to her who awakens love, and to him who destroyed the god of love — salutations to Shivaa, and to Shiva.

झणत्क्वणत्कङ्कणनूपुरायै पादाब्जराजत्फणिनूपुराय ।

Jhanat Kvanat Kankana Nupurayai Padabja Rajat Phani Nupuraya

jhaṇatkvaṇatkaṅkaṇanūpurāyai pādābjarājatphaṇinūpurāya

To her whose bangles and anklets jingle and chime, and to him whose lotus feet shine with serpent anklets;

हेमाङ्गदायै भुजगाङ्गदाय नमः शिवायै च नमः शिवाय ॥ ३ ॥

Hemangadayai Bhujagangadaya Namah Shivayai Cha Namah Shivaya

hemāṅgadāyai bhujagāṅgadāya namaḥ śivāyai ca namaḥ śivāya

to her with golden armlets, and to him with serpent armlets — salutations to Shivaa, and to Shiva.

विशालनीलोत्पललोचनायै विकासिपङ्केरुहलोचनाय ।

Vishala Nilotpala Lochanayai Vikasi Pankeruha Lochanaya

viśālanīlotpalalocanāyai vikāsipaṅkeruhalocanāya

To her with wide eyes like blue water-lilies, and to him with eyes like blossoming lotuses;

समेक्षणायै विषमेक्षणाय नमः शिवायै च नमः शिवाय ॥ ४ ॥

Samekshanayai Vishamekshanaya Namah Shivayai Cha Namah Shivaya

samekṣaṇāyai viṣamekṣaṇāya namaḥ śivāyai ca namaḥ śivāya

to her with an even number of eyes, and to him with an odd number — salutations to Shivaa, and to Shiva.

मन्दारमालाकलितालकायै कपालमालाङ्कितकन्धराय ।

Mandara Mala Kalitalakayai Kapala Malankita Kandharaya

mandāramālākalitālakāyai kapālamālāṅkitakandharāya

To her whose curls are graced with garlands of mandara flowers, and to him whose neck is marked by a garland of skulls;

दिव्याम्बरायै च दिगम्बराय नमः शिवायै च नमः शिवाय ॥ ५ ॥

Divyambarayai Cha Digambaraya Namah Shivayai Cha Namah Shivaya

divyāmbarāyai ca digambarāya namaḥ śivāyai ca namaḥ śivāya

to her in divine garments, and to him clothed only by the sky — salutations to Shivaa, and to Shiva.

अम्भोधरश्यामलकुन्तलायै तडित्प्रभाताम्रजटाधराय ।

Ambhodhara Shyamala Kuntalayai Tadit Prabha Tamra Jatadharaya

ambhodharaśyāmalakuntalāyai taḍitprabhātāmrajaṭādharāya

To her whose hair is dark as rain clouds, and to him whose matted locks are coppery as lightning;

निरीश्वरायै निखिलेश्वराय नमः शिवायै च नमः शिवाय ॥ ६ ॥

Nirishvarayai Nikhileshvaraya Namah Shivayai Cha Namah Shivaya

nirīśvarāyai nikhileśvarāya namaḥ śivāyai ca namaḥ śivāya

to her who has no lord above her, and to him who is lord of all — salutations to Shivaa, and to Shiva.

प्रपञ्चसृष्ट्युन्मुखलास्यकायै समस्तसंहारकताण्डवाय ।

Prapancha Srishtyunmukha Lasyakayai Samasta Samharaka Tandavaya

prapañcasṛṣṭyunmukhalāsyakāyai samastasaṃhārakatāṇḍavāya

To her whose gentle dance (lasya) brings forth the world, and to him whose fierce dance (tandava) dissolves it all;

जगज्जनन्यै जगदेकपित्रे नमः शिवायै च नमः शिवाय ॥ ७ ॥

Jagajjananyai Jagadeka Pitre Namah Shivayai Cha Namah Shivaya

jagajjananyai jagadekapitre namaḥ śivāyai ca namaḥ śivāya

to the Mother of the world, and to the one Father of the world — salutations to Shivaa, and to Shiva.

प्रदीप्तरत्नोज्ज्वलकुण्डलायै स्फुरन्महापन्नगभूषणाय ।

Pradipta Ratnojjvala Kundalayai Sphuran Maha Pannaga Bhushanaya

pradīptaratnojjvalakuṇḍalāyai sphuranmahāpannagabhūṣaṇāya

To her whose earrings blaze with shining jewels, and to him adorned with great glistening serpents;

शिवान्वितायै च शिवान्विताय नमः शिवायै च नमः शिवाय ॥ ८ ॥

Shivanvitayai Cha Shivanvitaya Namah Shivayai Cha Namah Shivaya

śivānvitāyai ca śivānvitāya namaḥ śivāyai ca namaḥ śivāya

to her united with Shiva, and to him united with Shivaa — salutations to Shivaa, and to Shiva.

एतत्पठेदष्टकमिष्टदं यो भक्त्या स मान्यो भुवि दीर्घजीवी ।

Etat Pathed Ashtakam Ishtadam Yo Bhaktya Sa Manyo Bhuvi Dirghajivi

etatpaṭhedaṣṭakamiṣṭadaṃ yo bhaktyā sa mānyo bhuvi dīrghajīvī

Whoever reads with devotion this wish-granting octet is honoured on earth and lives long,

प्राप्नोति सौभाग्यमनन्तकालं भूयात्सदा तस्य समस्तसिद्धिः ॥ ९ ॥

Prapnoti Saubhagyam Ananta Kalam Bhuyat Sada Tasya Samasta Siddhih

prāpnoti saubhāgyamanantakālaṃ bhūyātsadā tasya samastasiddhiḥ

gains good fortune for endless time, and may every success always be theirs.