Vaidyanatha Ashtakam

श्रीरामसौमित्रिजटायुवेदषडाननादित्यकुजार्चिताय ।

Shri Rama Saumitri Jatayu Veda Shadananaditya Kujarchitaya

śrīrāmasaumitrijaṭāyuvedaṣaḍānanādityakujārcitāya

To him who was worshipped by Rama, Lakshmana, Jatayu, the Vedas, six-faced Kartikeya, the Sun and Mars,

श्रीनीलकण्ठाय दयामयाय श्रीवैद्यनाथाय नमः शिवाय ॥ १ ॥

Shri Nilakanthaya Dayamayaya Shri Vaidyanathaya Namah Shivaya

śrīnīlakaṇṭhāya dayāmayāya śrīvaidyanāthāya namaḥ śivāya

the blue-throated, full of compassion — salutations to Shiva, the holy Lord of physicians.

शम्भो महादेव शम्भो महादेव शम्भो महादेव देव ।

Shambho Mahadeva Shambho Mahadeva Shambho Mahadeva Deva

śambho mahādeva śambho mahādeva śambho mahādeva deva

O Shambhu, great God! O Shambhu, great God! O Shambhu, great God of gods!

शम्भो महादेव देव शिव शम्भो महादेव देवेश शम्भो ॥

Shambho Mahadeva Deva Shiva Shambho Mahadeva Devesha Shambho

śambho mahādeva deva śiva śambho mahādeva deveśa śambho

O Shambhu, great God, O Shiva, O Shambhu, great God, lord of gods, O Shambhu!

गङ्गाप्रवाहेन्दुजटाधराय त्रिलोचनाय स्मरकालहन्त्रे ।

Ganga Pravahendu Jatadharaya Trilochanaya Smarakala Hantre

gaṅgāpravāhendujaṭādharāya trilocanāya smarakālahantre

To him who bears the flowing Ganga and the moon in his matted hair, the three-eyed one, slayer of Kama and of Death,

समस्तदेवैरभिपूजिताय श्रीवैद्यनाथाय नमः शिवाय ॥ २ ॥

Samasta Devair Abhipujitaya Shri Vaidyanathaya Namah Shivaya

samastadevairabhipūjitāya śrīvaidyanāthāya namaḥ śivāya

worshipped by all the gods — salutations to Shiva, the holy Lord of physicians.

भक्तप्रियाय त्रिपुरान्तकाय पिनाकिने दुष्टहराय नित्यम् ।

Bhakta Priyaya Tripurantakaya Pinakine Dushtaharaya Nityam

bhaktapriyāya tripurāntakāya pinākine duṣṭaharāya nityam

To him who loves his devotees, ender of Tripura, bearer of the Pinaka bow, ever the destroyer of the wicked,

प्रत्यक्षलीलाय मनुष्यलोके श्रीवैद्यनाथाय नमः शिवाय ॥ ३ ॥

Pratyaksha Lilaya Manushyaloke Shri Vaidyanathaya Namah Shivaya

pratyakṣalīlāya manuṣyaloke śrīvaidyanāthāya namaḥ śivāya

whose divine play is seen openly in the human world — salutations to Shiva, the holy Lord of physicians.

प्रभूतवातादिसमस्तरोगप्रणाशकर्त्रे मुनिवन्दिताय ।

Prabhuta Vatadi Samasta Roga Pranashakartre Munivanditaya

prabhūtavātādisamastarogapraṇāśakartre munivanditāya

To him who destroys every disease, beginning with great disorders of wind, worshipped by the sages,

प्रभाकरेन्द्वग्निविलोचनाय श्रीवैद्यनाथाय नमः शिवाय ॥ ४ ॥

Prabhakarendvagni Vilochanaya Shri Vaidyanathaya Namah Shivaya

prabhākarendvagnivilocanāya śrīvaidyanāthāya namaḥ śivāya

whose three eyes are the sun, moon and fire — salutations to Shiva, the holy Lord of physicians.

वाक्श्रोत्रनेत्राङ्घ्रिविहीनजन्तोः वाक्श्रोत्रनेत्राङ्घ्रिसुखप्रदाय ।

Vak Shrotra Netranghri Vihina Jantoh Vak Shrotra Netranghri Sukhapradaya

vākśrotranetrāṅghrivihīnajantoḥ vākśrotranetrāṅghrisukhapradāya

To him who gives speech, hearing, sight and the use of their feet to those who lack them,

कुष्ठादिसर्वोन्नतरोगहन्त्रे श्रीवैद्यनाथाय नमः शिवाय ॥ ५ ॥

Kushthadi Sarvonnata Roga Hantre Shri Vaidyanathaya Namah Shivaya

kuṣṭhādisarvonnatarogahantre śrīvaidyanāthāya namaḥ śivāya

destroyer of skin disease and every serious illness — salutations to Shiva, the holy Lord of physicians.

वेदान्तवेद्याय जगन्मयाय योगीश्वरध्येयपदाम्बुजाय ।

Vedanta Vedyaya Jaganmayaya Yogishvara Dhyeya Padambujaya

vedāntavedyāya jaganmayāya yogīśvaradhyeyapadāmbujāya

To him who is known through Vedanta, who pervades the world, whose lotus feet the masters of yoga meditate upon,

त्रिमूर्तिरूपाय सहस्रनाम्ने श्रीवैद्यनाथाय नमः शिवाय ॥ ६ ॥

Trimurti Rupaya Sahasranamne Shri Vaidyanathaya Namah Shivaya

trimūrtirūpāya sahasranāmne śrīvaidyanāthāya namaḥ śivāya

whose form is the Trinity, who has a thousand names — salutations to Shiva, the holy Lord of physicians.

स्वतीर्थमृद्भस्मभृताङ्गभाजां पिशाचदुःखार्तिभयापहाय ।

Svatirtha Mrid Bhasma Bhritanga Bhajam Pishacha Duhkharti Bhayapahaya

svatīrthamṛdbhasmabhṛtāṅgabhājāṃ piśācaduḥkhārtibhayāpahāya

To him who removes the torment, pain and fear caused by spirits for those who wear the clay and ash of his holy waters,

आत्मस्वरूपाय शरीरभाजां श्रीवैद्यनाथाय नमः शिवाय ॥ ७ ॥

Atma Svarupaya Sharira Bhajam Shri Vaidyanathaya Namah Shivaya

ātmasvarūpāya śarīrabhājāṃ śrīvaidyanāthāya namaḥ śivāya

the very Self of all embodied beings — salutations to Shiva, the holy Lord of physicians.

श्रीनीलकण्ठाय वृषध्वजाय स्रक्गन्धभस्माद्यभिशोभिताय ।

Shri Nilakanthaya Vrishadhvajaya Srakgandha Bhasmadyabhi Shobhitaya

śrīnīlakaṇṭhāya vṛṣadhvajāya srakgandhabhasmādyabhiśobhitāya

To the blue-throated one whose banner bears the bull, adorned with garlands, fragrant paste and ash,

सुपुत्रदारादिसुभाग्यदाय श्रीवैद्यनाथाय नमः शिवाय ॥ ८ ॥

Suputra Daradi Subhagyadaya Shri Vaidyanathaya Namah Shivaya

suputradārādisubhāgyadāya śrīvaidyanāthāya namaḥ śivāya

giver of good children, a good spouse and every good fortune — salutations to Shiva, the holy Lord of physicians.

बालाम्बिकेश वैद्येश भवरोगहरेति च ।

Balambikesha Vaidyesha Bhavaroga Hareti Cha

bālāmbikeśa vaidyeśa bhavarogahareti ca

“Lord of Balambika, Lord of physicians, remover of the disease of worldly life” —

जपेन्नामत्रयं नित्यं महारोगनिवारणम् ॥

Japen Namatrayam Nityam Maharoga Nivaranam

japennāmatrayaṃ nityaṃ mahāroganivāraṇam

repeat these three names daily; they remove great illness.