Shiva Bhujangam

गलद्दानगण्डं मिलद्भृङ्गषण्डं

Galaddanagandam Miladbhringashandam

galaddānagaṇḍaṃ miladbhṛṅgaṣaṇḍaṃ

His cheeks flowing with temple-nectar, bees swarming around him,

चलच्चारुशुण्डं जगत्त्राणशौण्डम् ।

Chalachcharushundam Jagattranashaundam

calaccāruśuṇḍaṃ jagattrāṇaśauṇḍam

his lovely trunk swaying, mighty in protecting the world,

कनद्दन्तकाण्डं विपद्भङ्गचण्डं

Kanaddantakandam Vipadbhangachandam

kanaddantakāṇḍaṃ vipadbhaṅgacaṇḍaṃ

his tusk gleaming, fierce in breaking misfortune,

शिवप्रेमपिण्डं भजे वक्रतुण्डम् ॥ १ ॥

Shivapremapindam Bhaje Vakratundam

śivapremapiṇḍaṃ bhaje vakratuṇḍam

the very embodiment of Shiva’s love — I worship the curved-trunked Ganesha.

अनाद्यन्तमाद्यं परं तत्त्वमर्थं

Anadyantamadyam Param Tattvamartham

anādyantamādyaṃ paraṃ tattvamarthaṃ

Without beginning or end, yet the first; the supreme reality, the true meaning;

चिदाकारमेकं तुरीयं त्वमेयम् ।

Chidakaramekam Turiyam Tvameyam

cidākāramekaṃ turīyaṃ tvameyam

consciousness in form, one, the fourth state, immeasurable;

हरिब्रह्ममृग्यं परब्रह्मरूपं

Haribrahmamrigyam Parabrahmarupam

haribrahmamṛgyaṃ parabrahmarūpaṃ

sought by Vishnu and Brahma, the supreme Brahman in form,

मनोवागतीतं महःशैवमीडे ॥ २ ॥

Manovagatitam Mahahshaivamide

manovāgatītaṃ mahaḥśaivamīḍe

beyond mind and speech — I praise that light of Shiva.

स्वशक्त्यादिशक्त्यन्तसिंहासनस्थं

Svashaktyadishaktyantasimhasanastham

svaśaktyādiśaktyantasiṃhāsanasthaṃ

Seated on a lion-throne of all powers, from his own power to the last,

मनोहारिसर्वाङ्गरत्नोरुभूषम् ।

Manoharisarvangaratnorubhusham

manohārisarvāṅgaratnorubhūṣam

adorned with great jewels on every enchanting limb,

जटाहीन्दुगङ्गास्थिशम्याकमौलिं

Jatahindugangasthishamyakamaulim

jaṭāhīndugaṅgāsthiśamyākamauliṃ

his crown bearing matted hair, serpent, moon, Ganga, bones and shami leaves —

पराशक्तिमित्रं नुमः पञ्चवक्त्रम् ॥ ३ ॥

Parashaktimitram Numah Panchavaktram

parāśaktimitraṃ numaḥ pañcavaktram

the friend of supreme Shakti, the five-faced: we bow to you.

शिवेशानतत्पूरुषाघोरवामा-

Shiveshanatatpurushaghoravama-

śiveśānatatpūruṣāghoravāmā-

With your five faces — Shiva, Ishana, Tatpurusha, Aghora, Vama —

दिभिः पञ्चभिर्हृन्मुखैः षड्भिरङ्गैः ।

Dibhih Panchabhirhrinmukhaih Shadbhirangaih

dibhiḥ pañcabhirhṛnmukhaiḥ ṣaḍbhiraṅgaiḥ

and the heart and other six limbs of your mantra,

अनौपम्य षट्त्रिंशतं तत्त्वविद्या-

Anaupamya Shattrimshatam Tattvavidya-

anaupamya ṣaṭtriṃśataṃ tattvavidyā-

beyond compare, beyond the thirty-six principles of knowledge —

मतीतं परं त्वां कथं वेत्ति को वा ॥ ४ ॥

Matitam Param Tvam Katham Vetti Ko Va

matītaṃ paraṃ tvāṃ kathaṃ vetti ko vā

who could ever know you, the Supreme?

प्रवालप्रवाहप्रभाशोणमर्धं

Pravalapravahaprabhashonamardham

pravālapravāhaprabhāśoṇamardhaṃ

One half red as a stream of coral,

मरुत्वन्मणिश्रीमहःश्याममर्धम् ।

Marutvanmanishrimahahshyamamardham

marutvanmaṇiśrīmahaḥśyāmamardham

the other half dark as the sapphire —

गुणस्यूतमेतद्वपुः शैवमन्तः

Gunasyutametadvapuh Shaivamantah

guṇasyūtametadvapuḥ śaivamantaḥ

this body of Shiva, woven of qualities, I hold within,

स्मरामि स्मरापत्तिसम्पत्तिहेतोः ॥ ५ ॥

Smarami Smarapattisampattihetoh

smarāmi smarāpattisampattihetoḥ

and remember it, the source of love’s fulfilment.

स्वसेवासमायातदेवासुरेन्द्रा-

Svasevasamayatadevasurendra-

svasevāsamāyātadevāsurendrā-

Bathed by garlands of mandara flowers from the bowing crowns

नमन्मौलिमन्दारमालाभिषिक्तम् ।

Namanmaulimandaramalabhishiktam

namanmaulimandāramālābhiṣiktam

of the kings of gods and demons who come to serve you —

नमस्यामि शम्भो पदाम्भोरुहं ते

Namasyami Shambho Padambhoruham Te

namasyāmi śambho padāmbhoruhaṃ te

I bow, O Shambhu, to your lotus feet,

भवाम्भोधिपोतं भवानीविभाव्यम् ॥ ६ ॥

Bhavambhodhipotam Bhavanivibhavyam

bhavāmbhodhipotaṃ bhavānīvibhāvyam

the boat across the ocean of existence, meditated on by Bhavani.

जगन्नाथ मन्नाथ गौरीसनाथ

Jagannatha Mannatha Gaurisanatha

jagannātha mannātha gaurīsanātha

Lord of the world, my Lord, husband of Gauri,

प्रपन्नानुकम्पिन्विपन्नार्तिहारिन् ।

Prapannanukampinvipannartiharin

prapannānukampinvipannārtihārin

compassionate to those who come to you, remover of the pain of the afflicted,

महःस्तोममूर्ते समस्तैकबन्धो

Mahahstomamurte Samastaikabandho

mahaḥstomamūrte samastaikabandho

embodiment of a mass of light, the one friend of all —

नमस्ते नमस्ते पुनस्ते नमोऽस्तु ॥ ७ ॥

Namaste Namaste Punaste Namostu

namaste namaste punaste namo'stu

salutations, salutations to you, again and again salutations.

विरूपाक्ष विश्वेश विश्वादिदेव

Virupaksha Vishvesha Vishvadideva

virūpākṣa viśveśa viśvādideva

O Virupaksha, Lord of the universe, first God of all,

त्रयीमूल शम्भो शिव त्र्यम्बक त्वम् ।

Trayimula Shambho Shiva Tryambaka Tvam

trayīmūla śambho śiva tryambaka tvam

root of the three Vedas, Shambhu, Shiva, three-eyed one,

प्रसीद स्मर त्राहि पश्यावमुक्त्यै

Prasida Smara Trahi Pashyavamuktyai

prasīda smara trāhi paśyāvamuktyai

be gracious, remember me, save me, look upon me for my release,

क्षमां प्राप्नुहि त्र्यक्ष मां रक्ष मोदात्॥ ८ ॥

Kshamam Prapnuhi Tryaksha Mam Raksha Modat

kṣamāṃ prāpnuhi tryakṣa māṃ rakṣa modāt

forgive me, O three-eyed one, and protect me joyfully.

महादेव देवेश देवादिदेव

Mahadeva Devesha Devadideva

mahādeva deveśa devādideva

“Mahadeva, Lord of gods, first God of gods,

स्मरारे पुरारे यमारे हरेति ।

Smarare Purare Yamare Hareti

smarāre purāre yamāre hareti

enemy of Kama, of Tripura, of Death, O Hara!” —

ब्रुवाणः स्मरिष्यामि भक्त्या भवन्तं

Bruvanah Smarishyami Bhaktya Bhavantam

bruvāṇaḥ smariṣyāmi bhaktyā bhavantaṃ

saying this, I will remember you with devotion;

ततो मे दयाशील देव प्रसीद ॥ ९ ॥

Tato Me Dayashila Deva Prasida

tato me dayāśīla deva prasīda

so be gracious to me, O compassionate God.

त्वदन्यः शरण्यः प्रपन्नस्य नेति

Tvadanyah Sharanyah Prapannasya Neti

tvadanyaḥ śaraṇyaḥ prapannasya neti

For one who has surrendered there is no refuge but you —

प्रसीद स्मरन्नेव हन्यास्तु दैन्यम् ।

Prasida Smaranneva Hanyastu Dainyam

prasīda smaranneva hanyāstu dainyam

be gracious; just by remembering, destroy my misery.

न चेत्ते भवेद्भक्तवात्सल्यहानि-

Na Chette Bhavedbhaktavatsalyahani-

na cette bhavedbhaktavātsalyahāni-

If not, your love for your devotees would be diminished —

स्ततो मे दयालो सदा संनिधेहि ॥ १० ॥

Stato Me Dayalo Sada Samnidhehi

stato me dayālo sadā saṃnidhehi

so, O kind one, stay always near me.