Shri Rama Raksha Stotram

ध्यायेदाजानुबाहुं धृतशरधनुषं बद्धपद्मासनस्थं

Dhyayed Ajanu Bahum Dhrita Shara Dhanusham Baddha Padmasanastham

dhyāyedājānubāhuṃ dhṛtaśaradhanuṣaṃ baddhapadmāsanasthaṃ

Meditate on Rama, his arms reaching to his knees, holding bow and arrows, seated in the lotus posture,

पीतं वासो वसानं नवकमलदलस्पर्धिनेत्रं प्रसन्नम् ।

Pitam Vaso Vasanam Nava Kamala Dala Spardhi Netram Prasannam

pītaṃ vāso vasānaṃ navakamaladalaspardhinetraṃ prasannam

wearing yellow silk, his eyes rivalling fresh lotus petals, serene,

वामाङ्कारूढसीतामुखकमलमिलल्लोचनं नीरदाभं

Vamankarudha Sita Mukha Kamala Milal Lochanam Niradabham

vāmāṅkārūḍhasītāmukhakamalamilallocanaṃ nīradābhaṃ

his eyes meeting the lotus face of Sita seated at his left, his skin the colour of a rain cloud,

नानालङ्कारदीप्तं दधतमुरुजटामण्डनं रामचन्द्रम् ॥

Nanalankara Diptam Dadhatam Uru Jata Mandanam Ramachandram

nānālaṅkāradīptaṃ dadhatamurujaṭāmaṇḍanaṃ rāmacandram

shining with many ornaments, his long matted hair his crown — Ramachandra.

चरितं रघुनाथस्य शतकोटिप्रविस्तरम् ।

Charitam Raghunathasya Shatakoti Pravistaram

caritaṃ raghunāthasya śatakoṭipravistaram

The story of Rama, lord of the Raghus, spreads across a billion verses;

एकैकमक्षरं पुंसां महापातकनाशनम् ॥ १ ॥

Ekaikam Aksharam Pumsam Mahapataka Nashanam

ekaikamakṣaraṃ puṃsāṃ mahāpātakanāśanam

every single syllable of it destroys even the gravest sins.

ध्यात्वा नीलोत्पलश्यामं रामं राजीवलोचनम् ।

Dhyatva Nilotpala Shyamam Ramam Rajiva Lochanam

dhyātvā nīlotpalaśyāmaṃ rāmaṃ rājīvalocanam

Meditating on Rama, dark as a blue lotus, with lotus eyes,

जानकीलक्ष्मणोपेतं जटामुकुटमण्डितम् ॥ २ ॥

Janaki Lakshmanopetam Jata Mukuta Manditam

jānakīlakṣmaṇopetaṃ jaṭāmukuṭamaṇḍitam

with Sita and Lakshmana beside him, his matted hair his crown —

सासितूणधनुर्बाणपाणिं नक्तञ्चरान्तकम् ।

Sasi Tuna Dhanur Bana Panim Naktancharantakam

sāsitūṇadhanurbāṇapāṇiṃ naktañcarāntakam

holding sword, quiver, bow and arrows, destroyer of the demons of the night,

स्वलीलया जगत्त्रातुमाविर्भूतमजं विभुम् ॥ ३ ॥

Svalilaya Jagat Tratum Avirbhutam Ajam Vibhum

svalīlayā jagattrātumāvirbhūtamajaṃ vibhum

the unborn, all-pervading one who appeared by his own play to save the world —

रामरक्षां पठेत्प्राज्ञः पापघ्नीं सर्वकामदाम् ।

Rama Raksham Pathet Pragyah Papaghnim Sarva Kamadam

rāmarakṣāṃ paṭhetprājñaḥ pāpaghnīṃ sarvakāmadām

the wise should recite this Rama Raksha, which destroys sin and fulfils every wish:

शिरो मे राघवः पातु भालं दशरथात्मजः ॥ ४ ॥

Shiro Me Raghavah Patu Bhalam Dasharathatmajah

śiro me rāghavaḥ pātu bhālaṃ daśarathātmajaḥ

May Raghava protect my head, and the son of Dasharatha my forehead.

कौसल्येयो दृशौ पातु विश्वामित्रप्रियः श्रुती ।

Kausalyeyo Drishau Patu Vishvamitra Priyah Shruti

kausalyeyo dṛśau pātu viśvāmitrapriyaḥ śrutī

May Kausalya’s son protect my eyes, and Vishvamitra’s beloved my ears;

घ्राणं पातु मखत्राता मुखं सौमित्रिवत्सलः ॥ ५ ॥

Ghranam Patu Makha Trata Mukham Saumitri Vatsalah

ghrāṇaṃ pātu makhatrātā mukhaṃ saumitrivatsalaḥ

may the protector of the sacrifice guard my nose, and the one who loves Lakshmana my mouth.

जिह्वां विद्यानिधिः पातु कण्ठं भरतवन्दितः ।

Jihvam Vidyanidhih Patu Kantham Bharata Vanditah

jihvāṃ vidyānidhiḥ pātu kaṇṭhaṃ bharatavanditaḥ

May the treasury of knowledge protect my tongue, and the one honoured by Bharata my throat;

स्कन्धौ दिव्यायुधः पातु भुजौ भग्नेशकार्मुकः ॥ ६ ॥

Skandhau Divyayudhah Patu Bhujau Bhagnesha Karmukah

skandhau divyāyudhaḥ pātu bhujau bhagneśakārmukaḥ

may the bearer of divine weapons guard my shoulders, and the breaker of Shiva’s bow my arms.

करौ सीतापतिः पातु हृदयं जामदग्न्यजित् ।

Karau Sitapatih Patu Hridayam Jamadagnyajit

karau sītāpatiḥ pātu hṛdayaṃ jāmadagnyajit

May Sita’s husband protect my hands, and the conqueror of Parashurama my heart;

मध्यं पातु खरध्वंसी नाभिं जाम्बवदाश्रयः ॥ ७ ॥

Madhyam Patu Khara Dhvamsi Nabhim Jambavad Ashrayah

madhyaṃ pātu kharadhvaṃsī nābhiṃ jāmbavadāśrayaḥ

may the slayer of the demon Khara guard my middle, and Jambavan’s refuge my navel.

सुग्रीवेशः कटी पातु सक्थिनी हनुमत्प्रभुः ।

Sugrivesha Kati Patu Sakthini Hanumat Prabhuh

sugrīveśaḥ kaṭī pātu sakthinī hanumatprabhuḥ

May Sugriva’s lord protect my waist, and Hanuman’s master my hips;

ऊरू रघूत्तमः पातु रक्षःकुलविनाशकृत् ॥ ८ ॥

Uru Raghuttamah Patu Rakshah Kula Vinashakrit

ūrū raghūttamaḥ pātu rakṣaḥkulavināśakṛt

may the best of the Raghus, destroyer of the demon race, guard my thighs.

जानुनी सेतुकृत्पातु जङ्घे दशमुखान्तकः ।

Januni Setukrit Patu Janghe Dashamukhantakah

jānunī setukṛtpātu jaṅghe daśamukhāntakaḥ

May the builder of the bridge protect my knees, and the slayer of ten-headed Ravana my shins;

पादौ बिभीषणश्रीदः पातु रामोऽखिलं वपुः ॥ ९ ॥

Padau Bibhishana Shridah Patu Ramo Khilam Vapuh

pādau bibhīṣaṇaśrīdaḥ pātu rāmo'khilaṃ vapuḥ

may the giver of Vibhishana’s kingdom guard my feet — and may Rama protect my whole body.

एतां रामबलोपेतां रक्षां यः सुकृती पठेत् ।

Etam Rama Balopetam Raksham Yah Sukriti Pathet

etāṃ rāmabalopetāṃ rakṣāṃ yaḥ sukṛtī paṭhet

The fortunate one who recites this protection, full of Rama’s strength,

स चिरायुः सुखी पुत्री विजयी विनयी भवेत् ॥ १० ॥

Sa Chirayuh Sukhi Putri Vijayi Vinayi Bhavet

sa cirāyuḥ sukhī putrī vijayī vinayī bhavet

will live long and be happy, blessed with children, victorious and humble.

पातालभूतलव्योमचारिणश्छद्मचारिणः ।

Patala Bhutala Vyoma Charinash Chhadma Charinah

pātālabhūtalavyomacāriṇaśchadmacāriṇaḥ

Beings that roam beneath the earth, on the earth or in the sky, or that move in disguise,

न द्रष्टुमपि शक्तास्ते रक्षितं रामनामभिः ॥ ११ ॥

Na Drashtum Api Shaktas Te Rakshitam Rama Namabhih

na draṣṭumapi śaktāste rakṣitaṃ rāmanāmabhiḥ

cannot even look at one who is protected by the names of Rama.

रामेति रामभद्रेति रामचन्द्रेति वा स्मरन् ।

Rameti Ramabhadreti Ramachandreti Va Smaran

rāmeti rāmabhadreti rāmacandreti vā smaran

Remembering him as Rama, Ramabhadra or Ramachandra,

नरो न लिप्यते पापैर्भुक्तिं मुक्तिं च विन्दति ॥ १२ ॥

Naro Na Lipyate Papair Bhuktim Muktim Cha Vindati

naro na lipyate pāpairbhuktiṃ muktiṃ ca vindati

a person is untouched by sin and finds both worldly joy and liberation.

जगज्जैत्रैकमन्त्रेण रामनाम्नाभिरक्षितम् ।

Jagaj Jaitraika Mantrena Rama Namnabhirakshitam

jagajjaitraikamantreṇa rāmanāmnābhirakṣitam

Whoever wears this, protected by Rama’s name — the one mantra that conquers the world —

यः कण्ठे धारयेत्तस्य करस्थाः सर्वसिद्धयः ॥ १३ ॥

Yah Kanthe Dharayet Tasya Karasthah Sarva Siddhayah

yaḥ kaṇṭhe dhārayettasya karasthāḥ sarvasiddhayaḥ

close to the heart like a necklace, holds every success in the palm of the hand.

वज्रपञ्जरनामेदं यो रामकवचं स्मरेत् ।

Vajra Panjara Namedam Yo Rama Kavacham Smaret

vajrapañjaranāmedaṃ yo rāmakavacaṃ smaret

Whoever remembers this armour of Rama, called the “diamond cage,”

अव्याहताज्ञः सर्वत्र लभते जयमङ्गलम् ॥ १४ ॥

Avyahatagyah Sarvatra Labhate Jaya Mangalam

avyāhatājñaḥ sarvatra labhate jayamaṅgalam

is obeyed everywhere and gains victory and blessings.

आदिष्टवान्यथा स्वप्ने रामरक्षामिमां हरः ।

Adishtavan Yatha Svapne Rama Rakshamimam Harah

ādiṣṭavānyathā svapne rāmarakṣāmimāṃ haraḥ

Just as Shiva taught this Rama Raksha in a dream,

तथा लिखितवान्प्रातः प्रबुद्धो बुधकौशिकः ॥ १५ ॥

Tatha Likhitavan Pratah Prabuddho Budhakaushikah

tathā likhitavānprātaḥ prabuddho budhakauśikaḥ

so Budha Kaushika, waking at dawn, wrote it down.

आरामः कल्पवृक्षाणां विरामः सकलापदाम् ।

Aramah Kalpa Vrikshanam Viramah Sakalapadam

ārāmaḥ kalpavṛkṣāṇāṃ virāmaḥ sakalāpadām

He is a garden of wish-fulfilling trees, the end of every misfortune,

अभिरामस्त्रिलोकानां रामः श्रीमान्स नः प्रभुः ॥ १६ ॥

Abhiramas Trilokanam Ramah Shriman Sa Nah Prabhuh

abhirāmastrilokānāṃ rāmaḥ śrīmānsa naḥ prabhuḥ

the delight of the three worlds — glorious Rama is our Lord.

तरुणौ रूपसम्पन्नौ सुकुमारौ महाबलौ ।

Tarunau Rupa Sampannau Sukumarau Mahabalau

taruṇau rūpasampannau sukumārau mahābalau

Young, beautiful, gentle and mighty,

पुण्डरीकविशालाक्षौ चीरकृष्णाजिनाम्बरौ ॥ १७ ॥

Pundarika Vishalakshau Chira Krishnajinambarau

puṇḍarīkaviśālākṣau cīrakṛṣṇājināmbarau

with wide lotus eyes, dressed in bark cloth and black deerskin,

फलमूलाशिनौ दान्तौ तापसौ ब्रह्मचारिणौ ।

Phala Mulashinau Dantau Tapasau Brahmacharinau

phalamūlāśinau dāntau tāpasau brahmacāriṇau

living on fruits and roots, self-controlled ascetics living in purity —

पुत्रौ दशरथस्यैतौ भ्रातरौ रामलक्ष्मणौ ॥ १८ ॥

Putrau Dasharathasyaitau Bhratarau Rama Lakshmanau

putrau daśarathasyaitau bhrātarau rāmalakṣmaṇau

these are the sons of Dasharatha, the brothers Rama and Lakshmana.

शरण्यौ सर्वसत्त्वानां श्रेष्ठौ सर्वधनुष्मताम् ।

Sharanyau Sarva Sattvanam Shreshthau Sarva Dhanushmatam

śaraṇyau sarvasattvānāṃ śreṣṭhau sarvadhanuṣmatām

The refuge of all beings, the best of all archers,

रक्षःकुलनिहन्तारौ त्रायेतां नो रघूत्तमौ ॥ १९ ॥

Rakshah Kula Nihantarau Trayetam No Raghuttamau

rakṣaḥkulanihantārau trāyetāṃ no raghūttamau

destroyers of the demon race — may these two best of the Raghus protect us.

आत्तसज्यधनुषाविषुस्पृशावक्षयाशुगनिषङ्गसङ्गिनौ ।

Atta Sajya Dhanushav Ishusprishav Akshayashuga Nishanga Sanginau

āttasajyadhanuṣāviṣuspṛśāvakṣayāśuganiṣaṅgasaṅginau

With strung bows in hand, fingers on their arrows, carrying quivers that never empty,

रक्षणाय मम रामलक्ष्मणावग्रतः पथि सदैव गच्छताम् ॥ २० ॥

Rakshanaya Mama Rama Lakshmanav Agratah Pathi Sadaiva Gachchhatam

rakṣaṇāya mama rāmalakṣmaṇāvagrataḥ pathi sadaiva gacchatām

may Rama and Lakshmana always walk ahead of me on my path, to protect me.

सन्नद्धः कवची खड्गी चापबाणधरो युवा ।

Sannaddhah Kavachi Khadgi Chapa Bana Dharo Yuva

sannaddhaḥ kavacī khaḍgī cāpabāṇadharo yuvā

Ready, armoured, sword in hand, carrying bow and arrows, young,

गच्छन्मनोरथोऽस्माकं रामः पातु सलक्ष्मणः ॥ २१ ॥

Gachchhan Manoratho Smakam Ramah Patu Salakshmanah

gacchanmanoratho'smākaṃ rāmaḥ pātu salakṣmaṇaḥ

moving ahead as our heart’s wish — may Rama protect us, together with Lakshmana.

रामो दाशरथिः शूरो लक्ष्मणानुचरो बली ।

Ramo Dasharathih Shuro Lakshmananucharo Bali

rāmo dāśarathiḥ śūro lakṣmaṇānucaro balī

Rama, son of Dasharatha, the brave, the strong, followed by Lakshmana,

काकुत्स्थः पुरुषः पूर्णः कौसल्येयो रघूत्तमः ॥ २२ ॥

Kakutsthah Purushah Purnah Kausalyeyo Raghuttamah

kākutsthaḥ puruṣaḥ pūrṇaḥ kausalyeyo raghūttamaḥ

descendant of Kakutstha, the complete Person, son of Kausalya, best of the Raghus,

वेदान्तवेद्यो यज्ञेशः पुराणपुरुषोत्तमः ।

Vedanta Vedyo Yagyeshah Purana Purushottamah

vedāntavedyo yajñeśaḥ purāṇapuruṣottamaḥ

known through the Upanishads, lord of sacrifice, the ancient supreme Person,

जानकीवल्लभः श्रीमानप्रमेयपराक्रमः ॥ २३ ॥

Janaki Vallabhah Shriman Aprameya Parakramah

jānakīvallabhaḥ śrīmānaprameyaparākramaḥ

beloved of Sita, glorious, of boundless valour.

इत्येतानि जपन्नित्यं मद्भक्तः श्रद्धयान्वितः ।

Ityetani Japan Nityam Madbhaktah Shraddhayanvitah

ityetāni japannityaṃ madbhaktaḥ śraddhayānvitaḥ

My devotee who chants these names daily, full of faith,

अश्वमेधाधिकं पुण्यं सम्प्राप्नोति न संशयः ॥ २४ ॥

Ashvamedhadhikam Punyam Samprapnoti Na Samshayah

aśvamedhādhikaṃ puṇyaṃ samprāpnoti na saṃśayaḥ

gains merit greater than the great horse sacrifice — there is no doubt.

रामं दूर्वादलश्यामं पद्माक्षं पीतवाससम् ।

Ramam Durvadala Shyamam Padmaksham Pita Vasasam

rāmaṃ dūrvādalaśyāmaṃ padmākṣaṃ pītavāsasam

Those who praise Rama — dark as durva grass, lotus-eyed, dressed in yellow —

स्तुवन्ति नामभिर्दिव्यैर्न ते संसारिणो नराः ॥ २५ ॥

Stuvanti Namabhir Divyair Na Te Samsarino Narah

stuvanti nāmabhirdivyairna te saṃsāriṇo narāḥ

with his divine names are no longer bound to the cycle of rebirth.

रामं लक्ष्मणपूर्वजं रघुवरं सीतापतिं सुन्दरं

Ramam Lakshmana Purvajam Raghuvaram Sitapatim Sundaram

rāmaṃ lakṣmaṇapūrvajaṃ raghuvaraṃ sītāpatiṃ sundaraṃ

Rama, Lakshmana’s elder brother, best of the Raghus, Sita’s beautiful husband,

काकुत्स्थं करुणार्णवं गुणनिधिं विप्रप्रियं धार्मिकम् ।

Kakutstham Karunarnavam Gunanidhim Vipra Priyam Dharmikam

kākutsthaṃ karuṇārṇavaṃ guṇanidhiṃ viprapriyaṃ dhārmikam

of Kakutstha’s line, an ocean of compassion, treasury of virtues, dear to the wise, righteous,

राजेन्द्रं सत्यसन्धं दशरथतनयं श्यामलं शान्तमूर्तिं

Rajendram Satya Sandham Dasharatha Tanayam Shyamalam Shanta Murtim

rājendraṃ satyasandhaṃ daśarathatanayaṃ śyāmalaṃ śāntamūrtiṃ

king of kings, true to his word, son of Dasharatha, dark-skinned, the very form of peace —

वन्दे लोकाभिरामं रघुकुलतिलकं राघवं रावणारिम् ॥ २६ ॥

Vande Lokabhiramam Raghukula Tilakam Raghavam Ravanarim

vande lokābhirāmaṃ raghukulatilakaṃ rāghavaṃ rāvaṇārim

I bow to the delight of the world, jewel of the Raghu clan, Raghava, enemy of Ravana.

रामाय रामभद्राय रामचन्द्राय वेधसे ।

Ramaya Ramabhadraya Ramachandraya Vedhase

rāmāya rāmabhadrāya rāmacandrāya vedhase

To Rama, to Ramabhadra, to Ramachandra, the creator,

रघुनाथाय नाथाय सीतायाः पतये नमः ॥ २७ ॥

Raghunathaya Nathaya Sitayah Pataye Namah

raghunāthāya nāthāya sītāyāḥ pataye namaḥ

to the lord of the Raghus, the Lord, the husband of Sita — I bow.

श्रीराम राम रघुनन्दन राम राम

Shri Rama Rama Raghunandana Rama Rama

śrīrāma rāma raghunandana rāma rāma

Shri Rama, Rama, joy of the Raghus, Rama, Rama;

श्रीराम राम भरताग्रज राम राम ।

Shri Rama Rama Bharatagraja Rama Rama

śrīrāma rāma bharatāgraja rāma rāma

Shri Rama, Rama, Bharata’s elder brother, Rama, Rama;

श्रीराम राम रणकर्कश राम राम

Shri Rama Rama Ranakarkasha Rama Rama

śrīrāma rāma raṇakarkaśa rāma rāma

Shri Rama, Rama, fierce in battle, Rama, Rama;

श्रीराम राम शरणं भव राम राम ॥ २८ ॥

Shri Rama Rama Sharanam Bhava Rama Rama

śrīrāma rāma śaraṇaṃ bhava rāma rāma

Shri Rama, Rama, be my refuge, Rama, Rama.

श्रीरामचन्द्रचरणौ मनसा स्मरामि

Shri Ramachandra Charanau Manasa Smarami

śrīrāmacandracaraṇau manasā smarāmi

I remember the feet of Shri Ramachandra with my mind;

श्रीरामचन्द्रचरणौ वचसा गृणामि ।

Shri Ramachandra Charanau Vachasa Grinami

śrīrāmacandracaraṇau vacasā gṛṇāmi

I praise the feet of Shri Ramachandra with my words;

श्रीरामचन्द्रचरणौ शिरसा नमामि

Shri Ramachandra Charanau Shirasa Namami

śrīrāmacandracaraṇau śirasā namāmi

I bow my head to the feet of Shri Ramachandra;

श्रीरामचन्द्रचरणौ शरणं प्रपद्ये ॥ २९ ॥

Shri Ramachandra Charanau Sharanam Prapadye

śrīrāmacandracaraṇau śaraṇaṃ prapadye

I take refuge at the feet of Shri Ramachandra.

माता रामो मत्पिता रामचन्द्रः

Mata Ramo Matpita Ramachandrah

mātā rāmo matpitā rāmacandraḥ

Rama is my mother, Ramachandra is my father;

स्वामी रामो मत्सखा रामचन्द्रः ।

Svami Ramo Matsakha Ramachandrah

svāmī rāmo matsakhā rāmacandraḥ

Rama is my master, Ramachandra is my friend;

सर्वस्वं मे रामचन्द्रो दयालु-

Sarvasvam Me Ramachandro Dayalur

sarvasvaṃ me rāmacandro dayālu-

kind Ramachandra is my everything —

र्नान्यं जाने नैव जाने न जाने ॥ ३० ॥

Nanyam Jane Naiva Jane Na Jane

rnānyaṃ jāne naiva jāne na jāne

I know no other, no other at all, none.

दक्षिणे लक्ष्मणो यस्य वामे तु जनकात्मजा ।

Dakshine Lakshmano Yasya Vame Tu Janakatmaja

dakṣiṇe lakṣmaṇo yasya vāme tu janakātmajā

With Lakshmana at his right and Sita, daughter of Janaka, at his left,

पुरतो मारुतिर्यस्य तं वन्दे रघुनन्दनम् ॥ ३१ ॥

Purato Marutir Yasya Tam Vande Raghunandanam

purato mārutiryasya taṃ vande raghunandanam

and Hanuman before him — to that joy of the Raghus I bow.

लोकाभिरामं रणरङ्गधीरं राजीवनेत्रं रघुवंशनाथम् ।

Lokabhiramam Ranaranga Dhiram Rajiva Netram Raghuvamsha Natham

lokābhirāmaṃ raṇaraṅgadhīraṃ rājīvanetraṃ raghuvaṃśanātham

The delight of the world, steady on the battlefield, lotus-eyed, lord of the Raghu dynasty,

कारुण्यरूपं करुणाकरं तं श्रीरामचन्द्रं शरणं प्रपद्ये ॥ ३२ ॥

Karunya Rupam Karunakaram Tam Shri Ramachandram Sharanam Prapadye

kāruṇyarūpaṃ karuṇākaraṃ taṃ śrīrāmacandraṃ śaraṇaṃ prapadye

compassion in form, the source of mercy — in Shri Ramachandra I take refuge.

मनोजवं मारुततुल्यवेगं जितेन्द्रियं बुद्धिमतां वरिष्ठम् ।

Manojavam Maruta Tulya Vegam Jitendriyam Buddhimatam Varishtham

manojavaṃ mārutatulyavegaṃ jitendriyaṃ buddhimatāṃ variṣṭham

Swift as the mind, fast as the wind, master of the senses, foremost of the wise,

वातात्मजं वानरयूथमुख्यं श्रीरामदूतं शरणं प्रपद्ये ॥ ३३ ॥

Vatatmajam Vanara Yutha Mukhyam Shri Rama Dutam Sharanam Prapadye

vātātmajaṃ vānarayūthamukhyaṃ śrīrāmadūtaṃ śaraṇaṃ prapadye

son of the Wind, chief of the monkey army, messenger of Shri Rama — in him I take refuge.

कूजन्तं रामरामेति मधुरं मधुराक्षरम् ।

Kujantam Rama Rameti Madhuram Madhuraksharam

kūjantaṃ rāmarāmeti madhuraṃ madhurākṣaram

Singing “Rama, Rama” in sweet, sweet syllables,

आरुह्य कविताशाखां वन्दे वाल्मीकिकोकिलम् ॥ ३४ ॥

Aruhya Kavita Shakham Vande Valmiki Kokilam

āruhya kavitāśākhāṃ vande vālmīkikokilam

perched on the branch of poetry — I bow to Valmiki, the cuckoo.

आपदामपहर्तारं दातारं सर्वसम्पदाम् ।

Apadam Apahartaram Dataram Sarva Sampadam

āpadāmapahartāraṃ dātāraṃ sarvasampadām

Remover of misfortunes, giver of every blessing,

लोकाभिरामं श्रीरामं भूयो भूयो नमाम्यहम् ॥ ३५ ॥

Lokabhiramam Shri Ramam Bhuyo Bhuyo Namamyaham

lokābhirāmaṃ śrīrāmaṃ bhūyo bhūyo namāmyaham

delight of the world — to Shri Rama I bow again and again.

भर्जनं भवबीजानामर्जनं सुखसम्पदाम् ।

Bharjanam Bhava Bijanam Arjanam Sukha Sampadam

bharjanaṃ bhavabījānāmarjanaṃ sukhasampadām

It roasts the seeds of rebirth, it earns happiness and wealth,

तर्जनं यमदूतानां रामरामेति गर्जनम् ॥ ३६ ॥

Tarjanam Yama Dutanam Rama Rameti Garjanam

tarjanaṃ yamadūtānāṃ rāmarāmeti garjanam

it frightens away the messengers of death — the roar of “Rama, Rama!”

रामो राजमणिः सदा विजयते रामं रमेशं भजे

Ramo Rajamanih Sada Vijayate Ramam Ramesham Bhaje

rāmo rājamaṇiḥ sadā vijayate rāmaṃ rameśaṃ bhaje

Rama, jewel among kings, is always victorious; I worship Rama, lord of Lakshmi.

रामेणाभिहता निशाचरचमू रामाय तस्मै नमः ।

Ramenabhihata Nishachara Chamu Ramaya Tasmai Namah

rāmeṇābhihatā niśācaracamū rāmāya tasmai namaḥ

By Rama the demon army was destroyed — to that Rama I bow.

रामान्नास्ति परायणं परतरं रामस्य दासोऽस्म्यहं

Raman Nasti Parayanam Parataram Ramasya Daso Smyaham

rāmānnāsti parāyaṇaṃ parataraṃ rāmasya dāso'smyahaṃ

There is no refuge higher than Rama; I am Rama’s servant.

रामे चित्तलयः सदा भवतु मे भो राम मामुद्धर ॥ ३७ ॥

Rame Chitta Layah Sada Bhavatu Me Bho Rama Mam Uddhara

rāme cittalayaḥ sadā bhavatu me bho rāma māmuddhara

May my mind always be absorbed in Rama — O Rama, lift me up.

श्रीराम राम रामेति रमे रामे मनोरमे ।

Shri Rama Rama Rameti Rame Rame Manorame

śrīrāma rāma rāmeti rame rāme manorame

“Shri Rama, Rama, Rama” — I delight in Rama, O lovely one;

सहस्रनाम तत्तुल्यं रामनाम वरानने ॥ ३८ ॥

Sahasranama Tat Tulyam Rama Nama Varanane

sahasranāma tattulyaṃ rāmanāma varānane

the name of Rama equals the thousand names, O fair-faced one.