Ganesha Bhujangam

रणत्क्षुद्रघण्टानिनादाभिरामं चलत्ताण्डवोद्दण्डवत्पद्मतालम् ।

Ranat Kshudra Ghanta Ninadabhiramam Chalat Tandavoddandavat Padma Talam

raṇatkṣudraghaṇṭāninādābhirāmaṃ calattāṇḍavoddaṇḍavatpadmatālam

Delightful with the ringing of tiny bells, his lotus feet beating time in a vigorous dance,

लसत्तुन्दिलाङ्गोपरिव्यालहारं गणाधीशमीशानसूनुं तमीडे ॥ १ ॥

Lasat Tundilangopari Vyala Haram Ganadhisham Ishanasunum Tamide

lasattundilāṅgoparivyālahāraṃ gaṇādhīśamīśānasūnuṃ tamīḍe

a serpent shining as a garland on his round belly — I praise him, lord of the hosts, the son of Shiva.

ध्वनिध्वंसवीणालयोल्लासिवक्त्रं स्फुरच्छुण्डदण्डोल्लसद्बीजपूरम् ।

Dhvani Dhvamsa Vina Layollasi Vaktram Sphurac Chunda Dandollasad Bijapuram

dhvanidhvaṃsavīṇālayollāsivaktraṃ sphuracchuṇḍadaṇḍollasadbījapūram

His face glowing in the rhythm of the veena, his swaying trunk holding a shining citron,

गलद्दर्पसौगन्ध्यलोलालिमालं गणाधीशमीशानसूनुं तमीडे ॥ २ ॥

Galad Darpa Saugandhya Lolali Malam Ganadhisham Ishanasunum Tamide

galaddarpasaugandhyalolālimālaṃ gaṇādhīśamīśānasūnuṃ tamīḍe

swarms of bees drawn to the fragrance flowing from his temples — I praise him, lord of the hosts, son of Shiva.

प्रकाशज्जपारक्तरत्नप्रसूनप्रवालप्रभातारुणज्योतिरेकम् ।

Prakashaj Japa Rakta Ratna Prasuna Pravala Prabhatarunajyotirekam

prakāśajjapāraktaratnaprasūnapravālaprabhātāruṇajyotirekam

Radiant as red hibiscus, rubies, red blossoms, coral and the red light of dawn,

प्रलम्बोदरं वक्रतुण्डैकदन्तं गणाधीशमीशानसूनुं तमीडे ॥ ३ ॥

Pralambodaram Vakratundaikadantam Ganadhisham Ishanasunum Tamide

pralambodaraṃ vakratuṇḍaikadantaṃ gaṇādhīśamīśānasūnuṃ tamīḍe

big-bellied, with a curved trunk and a single tusk — I praise him, lord of the hosts, son of Shiva.

विचित्रस्फुरद्रत्नमालाकिरीटं किरीटोल्लसच्चन्द्ररेखाविभूषम् ।

Vichitra Sphurad Ratna Mala Kiritam Kiritollasac Chandra Rekha Vibhusham

vicitrasphuradratnamālākirīṭaṃ kirīṭollasaccandrarekhāvibhūṣam

His crown set with dazzling, many-coloured jewels, a crescent moon shining on it,

विभूषैकभूशं भवध्वंसहेतुं गणाधीशमीशानसूनुं तमीडे ॥ ४ ॥

Vibhushaika Bhusham Bhava Dhvamsa Hetum Ganadhisham Ishanasunum Tamide

vibhūṣaikabhūśaṃ bhavadhvaṃsahetuṃ gaṇādhīśamīśānasūnuṃ tamīḍe

the ornament of all ornaments, the cause of release from worldly bondage — I praise him, lord of the hosts, son of Shiva.

उदञ्चद्भुजावल्लरीदृश्यमूलोच्चलद्भ्रूलताविभ्रमभ्राजदक्षम् ।

Udanchad Bhujavallari Drishyamuloc Chalad Bhrulata Vibhrama Bhrajadaksham

udañcadbhujāvallarīdṛśyamūloccaladbhrūlatāvibhramabhrājadakṣam

His vine-like arms raised high, his eyes shining with the playful movement of his brows,

मरुत्सुन्दरीचामरैः सेव्यमानं गणाधीशमीशानसूनुं तमीडे ॥ ५ ॥

Marut Sundari Chamaraih Sevyamanam Ganadhisham Ishanasunum Tamide

marutsundarīcāmaraiḥ sevyamānaṃ gaṇādhīśamīśānasūnuṃ tamīḍe

fanned with whisks by celestial maidens — I praise him, lord of the hosts, son of Shiva.

स्फुरन्निष्ठुरालोलपिङ्गाक्षितारं कृपाकोमलोदारलीलावतारम् ।

Sphuran Nishthuralola Pingakshi Taram Kripa Komalodara Lilavataram

sphuranniṣṭhurālolapiṅgākṣitāraṃ kṛpākomalodāralīlāvatāram

His tawny eyes darting fiercely, yet he comes in gentle, generous play out of compassion;

कलाबिन्दुगं गीयते योगिवर्यैर्गणाधीशमीशानसूनुं तमीडे ॥ ६ ॥

Kala Bindugam Giyate Yogivaryair Ganadhisham Ishanasunum Tamide

kalābindugaṃ gīyate yogivaryairgaṇādhīśamīśānasūnuṃ tamīḍe

the great yogis sing of him as dwelling in the subtle point of sound — I praise him, lord of the hosts, son of Shiva.

यमेकाक्षरं निर्मलं निर्विकल्पं गुणातीतमानन्दमाकारशून्यम् ।

Yamekaksharam Nirmalam Nirvikalpam Gunatitam Anandam Akara Shunyam

yamekākṣaraṃ nirmalaṃ nirvikalpaṃ guṇātītamānandamākāraśūnyam

He whom they call the one syllable — spotless, beyond thought, beyond qualities, pure bliss, without form,

परं पारमोङ्कारमाम्नायगर्भं वदन्ति प्रगल्भं पुराणं तमीडे ॥ ७ ॥

Param Param Omkaram Amnaya Garbham Vadanti Pragalbham Puranam Tamide

paraṃ pāramoṅkāramāmnāyagarbhaṃ vadanti pragalbhaṃ purāṇaṃ tamīḍe

supreme, the farther shore, Om, the womb of the Vedas, mighty and ancient — I praise him.

चिदानन्दसान्द्राय शान्ताय तुभ्यं नमो विश्वकर्त्रे च हर्त्रे च तुभ्यम् ।

Chidananda Sandraya Shantaya Tubhyam Namo Vishvakartre Cha Hartre Cha Tubhyam

cidānandasāndrāya śāntāya tubhyaṃ namo viśvakartre ca hartre ca tubhyam

Salutations to you, dense with consciousness and bliss, the peaceful one; salutations to you, creator and dissolver of the universe;

नमोऽनन्तलीलाय कैवल्यभासे नमो विश्वबीज प्रसीदेशसूनो ॥ ८ ॥

Namo Ananta Lilaya Kaivalya Bhase Namo Vishva Bija Prasidesha Suno

namo'nantalīlāya kaivalyabhāse namo viśvabīja prasīdeśasūno

salutations to the one of endless play, the light of liberation; salutations, seed of the universe — be gracious, son of Shiva.

इमं सुस्तवं प्रातरुत्थाय भक्त्या पठेद्यस्तु मर्त्यो लभेत्सर्वकामान् ।

Imam Sustavam Pratarutthaya Bhaktya Pathed Yastu Martyo Labhet Sarva Kaman

imaṃ sustavaṃ prātarutthāya bhaktyā paṭhedyastu martyo labhetsarvakāmān

Whoever rises at dawn and recites this fine hymn with devotion gains all their wishes;

गणेशप्रसादेन सिध्यन्ति वाचो गणेशे विभौ दुर्लभं किं प्रसन्ने ॥ ९ ॥

Ganesha Prasadena Sidhyanti Vacho Ganeshe Vibhau Durlabham Kim Prasanne

gaṇeśaprasādena sidhyanti vāco gaṇeśe vibhau durlabhaṃ kiṃ prasanne

by Ganesha’s grace their words come true — when mighty Ganesha is pleased, what is out of reach?