Aigiri Nandini

अयि गिरिनन्दिनि नन्दितमेदिनि विश्वविनोदिनि नन्दिनुते

Ayi Giri Nandini Nandita Medini Vishva Vinodini Nandinute

ayi girinandini nanditamedini viśvavinodini nandinute

O daughter of the mountain, who makes the whole earth rejoice, who delights the universe, praised by Nandi,

गिरिवरविन्ध्यशिरोऽधिनिवासिनि विष्णुविलासिनि जिष्णुनुते ।

Girivara Vindhya Shiro Dhinivasini Vishnu Vilasini Jishnunute

girivaravindhyaśiro'dhinivāsini viṣṇuvilāsini jiṣṇunute

who lives on the peaks of the great Vindhya mountains, who plays alongside Vishnu, praised by Indra,

भगवति हे शितिकण्ठकुटुम्बिनि भूरिकुटुम्बिनि भूरिकृते

Bhagavati He Shitikantha Kutumbini Bhuri Kutumbini Bhuri Krite

bhagavati he śitikaṇṭhakuṭumbini bhūrikuṭumbini bhūrikṛte

O blessed goddess, wife of the blue-throated Shiva, mother of a vast family, doer of countless deeds —

जय जय हे महिषासुरमर्दिनि रम्यकपर्दिनि शैलसुते ॥ १ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

सुरवरवर्षिणि दुर्धरधर्षिणि दुर्मुखमर्षिणि हर्षरते

Suravara Varshini Durdhara Dharshini Durmukha Marshini Harsharate

suravaravarṣiṇi durdharadharṣiṇi durmukhamarṣiṇi harṣarate

You shower blessings on the gods, overpower the invincible, bear with the harsh-tongued, and delight in joy;

त्रिभुवनपोषिणि शङ्करतोषिणि किल्बिषमोषिणि घोषरते ।

Tribhuvana Poshini Shankara Toshini Kilbisha Moshini Ghosharate

tribhuvanapoṣiṇi śaṅkaratoṣiṇi kilbiṣamoṣiṇi ghoṣarate

you nourish the three worlds, please Shiva, steal away sins and love the sound of sacred chant;

दनुजनिरोषिणि दितिसुतरोषिणि दुर्मदशोषिणि सिन्धुसुते

Danuja Niroshini Ditisuta Roshini Durmada Shoshini Sindhu Sute

danujaniroṣiṇi ditisutaroṣiṇi durmadaśoṣiṇi sindhusute

you rage against the demons and dry up wicked pride, O daughter of the ocean —

जय जय हे महिषासुरमर्दिनि रम्यकपर्दिनि शैलसुते ॥ २ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अयि जगदम्ब मदम्ब कदम्बवनप्रियवासिनि हासरते

Ayi Jagadamba Madamba Kadamba Vana Priya Vasini Hasarate

ayi jagadamba madamba kadambavanapriyavāsini hāsarate

O mother of the world, my own mother, who loves to live in kadamba forests, who delights in laughter,

शिखरिशिरोमणितुङ्गहिमालयशृङ्गनिजालयमध्यगते ।

Shikhari Shiromani Tunga Himalaya Shringa Nijalaya Madhyagate

śikhariśiromaṇituṅgahimālayaśṛṅganijālayamadhyagate

whose home is among the high peaks of the Himalaya, crown jewel of mountains,

मधुमधुरे मधुकैटभगञ्जिनि कैटभभञ्जिनि रासरते

Madhu Madhure Madhu Kaitabha Ganjini Kaitabha Bhanjini Rasarate

madhumadhure madhukaiṭabhagañjini kaiṭabhabhañjini rāsarate

sweet as honey, conqueror of the demons Madhu and Kaitabha, delighting in joyful dance —

जय जय हे महिषासुरमर्दिनि रम्यकपर्दिनि शैलसुते ॥ ३ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अयि शतखण्डविखण्डितरुण्डवितुण्डितशुण्डगजाधिपते

Ayi Shatakhanda Vikhandita Runda Vitundita Shunda Gajadhipate

ayi śatakhaṇḍavikhaṇḍitaruṇḍavituṇḍitaśuṇḍagajādhipate

You cut the mighty war elephants of the demons into a hundred pieces, severing their trunks;

रिपुगजगण्डविदारणचण्डपराक्रमशुण्डमृगाधिपते ।

Ripu Gaja Ganda Vidarana Chanda Parakrama Shunda Mrigadhipate

ripugajagaṇḍavidāraṇacaṇḍaparākramaśuṇḍamṛgādhipate

your lion, fierce and bold, tears open the heads of the enemy elephants;

निजभुजदण्डनिपातितखण्डविपातितमुण्डभटाधिपते

Nija Bhuja Danda Nipatita Khanda Vipatita Munda Bhatadhipate

nijabhujadaṇḍanipātitakhaṇḍavipātitamuṇḍabhaṭādhipate

with your own mighty arms you struck down the demon general Munda and his warriors —

जय जय हे महिषासुरमर्दिनि रम्यकपर्दिनि शैलसुते ॥ ४ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अयि रणदुर्मदशत्रुवधोद्यतदुर्धरनिर्जरशक्तिभृते

Ayi Rana Durmada Shatru Vadhodyata Durdhara Nirjara Shakti Bhrite

ayi raṇadurmadaśatruvadhodyatadurdharanirjaraśaktibhṛte

You carry the unstoppable power of the immortal gods, ready to slay enemies drunk on the pride of battle;

चतुरविचारधुरीणमहाशिवदूतकृतप्रमथाधिपते ।

Chatura Vichara Dhurina Maha Shiva Duta Krita Pramathadhipate

caturavicāradhurīṇamahāśivadūtakṛtapramathādhipate

you sent wise Shiva himself, lord of the pramathas, as your messenger to the demons;

दुरितदुरीहदुराशयदुर्मतिदानवदूतकृतान्तमते

Durita Duriha Durashaya Durmati Danava Duta Kritantamate

duritadurīhadurāśayadurmatidānavadūtakṛtāntamate

and resolved to end the wicked, evil-minded demon envoys —

जय जय हे महिषासुरमर्दिनि रम्यकपर्दिनि शैलसुते ॥ ५ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अयि शरणागतवैरिवधूवरवीरवराभयदानकरे

Ayi Sharanagata Vairi Vadhu Vara Vira Varabhaya Danakare

ayi śaraṇāgatavairivadhūvaravīravarābhayadānakare

Your hand grants fearlessness even to the wives of enemy heroes who come to you for refuge;

त्रिभुवनमस्तकशूलविरोधिशिरोऽधिकृतामलशूलकरे ।

Tribhuvana Mastaka Shula Virodhi Shiro Dhikritamala Shula Kare

tribhuvanamastakaśūlavirodhiśiro'dhikṛtāmalaśūlakare

your pure trident strikes down those who were a torment to the three worlds;

दुमिदुमितामरदुन्दुभिनादमहोमुखरीकृततिग्मकरे

Dumi Dumita Amara Dundubhi Nada Maho Mukharikrita Tigmakare

dumidumitāmaradundubhinādamahomukharīkṛtatigmakare

the “dumi-dumi” of the gods’ war drums makes even the sun resound —

जय जय हे महिषासुरमर्दिनि रम्यकपर्दिनि शैलसुते ॥ ६ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अयि निजहुङ्कृतिमात्रनिराकृतधूम्रविलोचनधूम्रशते

Ayi Nija Hunkriti Matra Nirakrita Dhumra Vilochana Dhumra Shate

ayi nijahuṅkṛtimātranirākṛtadhūmravilocanadhūmraśate

With just the sound of your “hum” you turned the demon Dhumralochana to smoke;

समरविशोषितशोणितबीजसमुद्भवशोणितबीजलते ।

Samara Vishoshita Shonita Bija Samudbhava Shonita Bija Late

samaraviśoṣitaśoṇitabījasamudbhavaśoṇitabījalate

in battle you dried up Raktabija and every demon born from the seeds of his blood;

शिवशिवशुम्भनिशुम्भमहाहवतर्पितभूतपिशाचरते

Shiva Shiva Shumbha Nishumbha Mahahava Tarpita Bhuta Pishacha Rate

śivaśivaśumbhaniśumbhamahāhavatarpitabhūtapiśācarate

in the great war against Shumbha and Nishumbha, even the spirits of the battlefield were satisfied —

जय जय हे महिषासुरमर्दिनि रम्यकपर्दिनि शैलसुते ॥ ७ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

धनुरनुषङ्गरणक्षणसङ्गपरिस्फुरदङ्गनटत्कटके

Dhanur Anushanga Rana Kshana Sanga Parisphurad Anga Natat Katake

dhanuranuṣaṅgaraṇakṣaṇasaṅgaparisphuradaṅganaṭatkaṭake

In the heat of battle, bow in hand, your limbs flash and your bracelets dance;

कनकपिशङ्गपृषत्कनिषङ्गरसद्भटशृङ्गहताबटुके ।

Kanaka Pishanga Prishatka Nishanga Rasad Bhata Shringa Hatabatuke

kanakapiśaṅgapṛṣatkaniṣaṅgarasadbhaṭaśṛṅgahatābaṭuke

your golden arrows fly from your quiver and strike down the roaring champions of the enemy;

कृतचतुरङ्गबलक्षितिरङ्गघटद्बहुरङ्गरटद्बटुके

Krita Chaturanga Bala Kshiti Ranga Ghatad Bahuranga Ratad Batuke

kṛtacaturaṅgabalakṣitiraṅgaghaṭadbahuraṅgaraṭadbaṭuke

the battlefield becomes a stage where the whole four-fold enemy army falls —

जय जय हे महिषासुरमर्दिनि रम्यकपर्दिनि शैलसुते ॥ ८ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

सुरललनाततथेयितथेयिकृताभिनयोदरनृत्यरते

Sura Lalana Tatatheyi Tatheyi Kritabhinayodara Nritya Rate

suralalanātatatheyitatheyikṛtābhinayodaranṛtyarate

You delight in the dance of the heavenly maidens — “ta-ta-theyi, ta-theyi” — full of expressive gestures;

कृतकुकुथः कुकुथो गडदादिकतालकुतूहलगानरते ।

Krita Kukuthah Kukutho Gadadadika Tala Kutuhala Gana Rate

kṛtakukuthaḥ kukutho gaḍadādikatālakutūhalagānarate

in the playful rhythms “kukutha, gada-da” and in joyful song;

धुधुकुटधुक्कुटधिन्धिमितध्वनिधीरमृदङ्गनिनादरते

Dhudhukuta Dhukkuta Dhindhimita Dhvani Dhira Mridanga Ninada Rate

dhudhukuṭadhukkuṭadhindhimitadhvanidhīramṛdaṅganinādarate

in the deep “dhudhukuta, dhimi-dhimi” of the mridanga drum —

जय जय हे महिषासुरमर्दिनि रम्यकपर्दिनि शैलसुते ॥ ९ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

जयजयजप्यजयेजयशब्दपरस्तुतितत्परविश्वनुते

Jaya Jaya Japya Jaye Jaya Shabda Parastuti Tatpara Vishvanute

jayajayajapyajayejayaśabdaparastutitatparaviśvanute

The whole world praises you, crying “Victory! Victory!” — you are worthy of every chant;

झणझणझिञ्झिमिझिङ्कृतनूपुरसिञ्जितमोहितभूतपते ।

Jhana Jhana Jhinjhimi Jhinkrita Nupura Sinjita Mohita Bhutapate

jhaṇajhaṇajhiñjhimijhiṅkṛtanūpurasiñjitamohitabhūtapate

the jingling “jhana-jhana” of your anklets enchants Shiva, lord of all beings;

नटितनटार्धनटीनटनायकनाटितनाट्यसुगानरते

Natita Natardha Nati Nata Nayaka Natita Natya Sugana Rate

naṭitanaṭārdhanaṭīnaṭanāyakanāṭitanāṭyasugānarate

you delight in the dance and song of Shiva, Lord of Dance, whose other half you are —

जय जय हे महिषासुरमर्दिनि रम्यकपर्दिनि शैलसुते ॥ १० ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अयि सुमनःसुमनःसुमनःसुमनःसुमनोहरकान्तियुते

Ayi Sumanah Sumanah Sumanah Sumanah Sumanohara Kanti Yute

ayi sumanaḥsumanaḥsumanaḥsumanaḥsumanoharakāntiyute

Your beauty, lovely as flowers, enchants the hearts of the good and of the gods;

श्रितरजनीरजनीरजनीरजनीरजनीकरवक्त्रवृते ।

Shrita Rajani Rajani Rajani Rajani Rajanikara Vaktra Vrite

śritarajanīrajanīrajanīrajanīrajanīkaravaktravṛte

your face shines like the moon, maker of the night, outshining the lotuses that bloom at night;

सुनयनविभ्रमरभ्रमरभ्रमरभ्रमरभ्रमराधिपते

Sunayana Vibhramara Bhramara Bhramara Bhramara Bhramaradhipate

sunayanavibhramarabhramarabhramarabhramarabhramarādhipate

your beautiful eyes dart like black bees — you are queen of the bees —

जय जय हे महिषासुरमर्दिनि रम्यकपर्दिनि शैलसुते ॥ ११ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

सहितमहाहवमल्लमतल्लिकमल्लितरल्लकमल्लरते

Sahita Mahahava Malla Matallika Mallita Rallaka Malla Rate

sahitamahāhavamallamatallikamallitarallakamallarate

You delight in great battles alongside the finest warriors,

विरचितवल्लिकपल्लिकमल्लिकझिल्लिकभिल्लिकवर्गवृते ।

Virachita Vallika Pallika Mallika Jhillika Bhillika Varga Vrite

viracitavallikapallikamallikajhillikabhillikavargavṛte

surrounded by bands of forest women adorned with vines, village girls and jasmine-crowned tribal maidens;

सितकृतफुल्लसमुल्लसितारुणतल्लजपल्लवसल्ललिते

Sitakrita Phulla Samullasitaruna Tallaja Pallava Sallalite

sitakṛtaphullasamullasitāruṇatallajapallavasallalite

graceful as fresh red shoots, bright and in full blossom —

जय जय हे महिषासुरमर्दिनि रम्यकपर्दिनि शैलसुते ॥ १२ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अविरलगण्डगलन्मदमेदुरमत्तमतङ्गजराजपते

Avirala Ganda Galan Mada Medura Matta Matangaja Rajapate

aviralagaṇḍagalanmadameduramattamataṅgajarājapate

Majestic as a royal elephant in the full power of its prime,

त्रिभुवनभूषणभूतकलानिधिरूपपयोनिधिराजसुते ।

Tribhuvana Bhushana Bhuta Kalanidhi Rupa Payonidhi Raja Sute

tribhuvanabhūṣaṇabhūtakalānidhirūpapayonidhirājasute

lovely as the moon that adorns the three worlds, daughter of the king of oceans,

अयि सुदतीजनलालसमानसमोहनमन्मथराजसुते

Ayi Sudati Jana Lalasa Manasa Mohana Manmatha Raja Sute

ayi sudatījanalālasamānasamohanamanmatharājasute

as enchanting to the heart as the god of love himself —

जय जय हे महिषासुरमर्दिनि रम्यकपर्दिनि शैलसुते ॥ १३ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

कमलदलामलकोमलकान्तिकलाकलितामलभाललते

Kamala Dalamala Komala Kanti Kala Kalitamala Bhala Late

kamaladalāmalakomalakāntikalākalitāmalabhālalate

Your forehead is pure and soft as a lotus petal, glowing with grace;

सकलविलासकलानिलयक्रमकेलिचलत्कलहंसकुले ।

Sakala Vilasa Kala Nilaya Krama Keli Chalat Kalahamsa Kule

sakalavilāsakalānilayakramakelicalatkalahaṃsakule

you are the home of every grace and art, and you move like a flock of swans at play;

अलिकुलसङ्कुलकुवलयमण्डलमौलिमिलद्बकुलालिकुले

Alikula Sankula Kuvalaya Mandala Mauli Milad Bakulalikule

alikulasaṅkulakuvalayamaṇḍalamaulimiladbakulālikule

bees swarm around the blue lotuses and bakula blossoms in your hair —

जय जय हे महिषासुरमर्दिनि रम्यकपर्दिनि शैलसुते ॥ १४ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

करमुरलीरववीजितकूजितलज्जितकोकिलमञ्जुमते

Kara Murali Rava Vijita Kujita Lajjita Kokila Manjumate

karamuralīravavījitakūjitalajjitakokilamañjumate

The sweet music of the flute in your hand puts even the singing cuckoo to shame;

मिलितपुलिन्दमनोहरगुञ्जितरञ्जितशैलनिकुञ्जगते ।

Milita Pulinda Manohara Gunjita Ranjita Shaila Nikunja Gate

militapulindamanoharaguñjitarañjitaśailanikuñjagate

you wander the mountain groves, delighted by the lovely songs of the forest people;

निजगुणभूतमहाशबरीगणसद्गुणसम्भृतकेलितले

Nija Guna Bhuta Maha Shabari Gana Sadguna Sambhrita Keli Tale

nijaguṇabhūtamahāśabarīgaṇasadguṇasambhṛtakelitale

playing among the great forest women, who are your own virtues in human form —

जय जय हे महिषासुरमर्दिनि रम्यकपर्दिनि शैलसुते ॥ १५ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

कटितटपीतदुकूलविचित्रमयूखतिरस्कृतचन्द्ररुचे

Katitata Pita Dukula Vichitra Mayukha Tiraskrita Chandra Ruche

kaṭitaṭapītadukūlavicitramayūkhatiraskṛtacandraruce

The shimmering yellow silk at your waist outshines the light of the moon;

प्रणतसुरासुरमौलिमणिस्फुरदंशुलसन्नखचन्द्ररुचे ।

Pranata Surasura Mauli Mani Sphurad Amshulasan Nakha Chandra Ruche

praṇatasurāsuramaulimaṇisphuradaṃśulasannakhacandraruce

your moon-like toenails glitter with light from the crown jewels of the gods and demons who bow at your feet;

जितकनकाचलमौलिमदोर्जितनिर्भरकुञ्जरकुम्भकुचे

Jita Kanakachala Mauli Madorjita Nirbhara Kunjara Kumbha Kuche

jitakanakācalamaulimadorjitanirbharakuñjarakumbhakuce

your full and majestic form surpasses even the peak of the golden mountain —

जय जय हे महिषासुरमर्दिनि रम्यकपर्दिनि शैलसुते ॥ १६ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

विजितसहस्रकरैकसहस्रकरैकसहस्रकरैकनुते

Vijita Sahasra Karaika Sahasra Karaika Sahasra Karaika Nute

vijitasahasrakaraikasahasrakaraikasahasrakaraikanute

You outshine the thousand-rayed sun, and are praised by the thousand-handed ones (another play on words);

कृतसुरतारकसङ्गरतारकसङ्गरतारकसूनुसुते ।

Krita Sura Taraka Sangara Taraka Sangara Taraka Sunu Sute

kṛtasuratārakasaṅgaratārakasaṅgaratārakasūnusute

mother of Skanda, the son who rescued the gods in the war against the demon Taraka;

सुरथसमाधिसमानसमाधिसमाधिसमाधिसुजातरते

Suratha Samadhi Samana Samadhi Samadhi Samadhi Sujata Rate

surathasamādhisamānasamādhisamādhisamādhisujātarate

you were pleased by the deep meditation of King Suratha and the merchant Samadhi —

जय जय हे महिषासुरमर्दिनि रम्यकपर्दिनि शैलसुते ॥ १७ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

पदकमलं करुणानिलये वरिवस्यति योऽनुदिनं स शिवे

Pada Kamalam Karunanilaye Varivasyati Yo Nudinam Sa Shive

padakamalaṃ karuṇānilaye varivasyati yo'nudinaṃ sa śive

O home of compassion, O auspicious one — whoever worships your lotus feet every day,

अयि कमले कमलानिलये कमलानिलयः स कथं न भवेत् ।

Ayi Kamale Kamala Nilaye Kamala Nilayah Sa Katham Na Bhavet

ayi kamale kamalānilaye kamalānilayaḥ sa kathaṃ na bhavet

O lotus goddess who lives in the lotus — how could they not become a home for Lakshmi?

तव पदमेव परम्पदमित्यनुशीलयतो मम किं न शिवे

Tava Padameva Parampadam Ityanushilayato Mama Kim Na Shive

tava padameva parampadamityanuśīlayato mama kiṃ na śive

Your feet alone are the highest goal — for me, who holds to this, what is not possible, O auspicious one?

जय जय हे महिषासुरमर्दिनि रम्यकपर्दिनि शैलसुते ॥ १८ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

कनकलसत्कलसिन्धुजलैरनुषिञ्चति ते गुणरङ्गभुवम्

Kanaka Lasat Kala Sindhu Jalair Anushinchati Te Guna Ranga Bhuvam

kanakalasatkalasindhujalairanuṣiñcati te guṇaraṅgabhuvam

Whoever bathes your sacred ground with river water poured from shining golden pots —

भजति स किं न शचीकुचकुम्भतटीपरिरम्भसुखानुभवम् ।

Bhajati Sa Kim Na Shachi Kucha Kumbha Tati Parirambha Sukhanubhavam

bhajati sa kiṃ na śacīkucakumbhataṭīparirambhasukhānubhavam

will they not know heavenly bliss, like Indra in the embrace of his queen Shachi?

तव चरणं शरणं करवाणि नतामरवाणि निवासि शिवम्

Tava Charanam Sharanam Karavani Natamaravani Nivasi Shivam

tava caraṇaṃ śaraṇaṃ karavāṇi natāmaravāṇi nivāsi śivam

I take refuge at your feet, where the gods and Saraswati bow, where all goodness lives —

जय जय हे महिषासुरमर्दिनि रम्यकपर्दिनि शैलसुते ॥ १९ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

तव विमलेन्दुकुलं वदनेन्दुमलं सकलं ननु कूलयते

Tava Vimalendu Kulam Vadanendum Alam Sakalam Nanu Kulayate

tava vimalendukulaṃ vadanendumalaṃ sakalaṃ nanu kūlayate

Your pure, moon-like face draws all things towards you;

किमु पुरुहूतपुरीन्दुमुखीसुमुखीभिरसौ विमुखीक्रियते ।

Kimu Puruhuta Purindu Mukhi Sumukhibhir Asau Vimukhi Kriyate

kimu puruhūtapurīndumukhīsumukhībhirasau vimukhīkriyate

could the moon-faced beauties of Indra’s heaven ever turn away such a devotee?

मम तु मतं शिवनामधने भवती कृपया किमुत क्रियते

Mama Tu Matam Shiva Nama Dhane Bhavati Kripaya Kimuta Kriyate

mama tu mataṃ śivanāmadhane bhavatī kṛpayā kimuta kriyate

but this is my belief, O you whose treasure is Shiva’s name: what can you not do by your grace?

जय जय हे महिषासुरमर्दिनि रम्यकपर्दिनि शैलसुते ॥ २० ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

अयि मयि दीनदयालुतया कृपयैव त्वया भवितव्यमुमे

Ayi Mayi Dina Dayalutaya Kripayaiva Tvaya Bhavitavyam Ume

ayi mayi dīnadayālutayā kṛpayaiva tvayā bhavitavyamume

O Uma, you who are kind to the helpless — please be gracious to me;

अयि जगतो जननी कृपयासि यथासि तथानुमितासिरते ।

Ayi Jagato Janani Kripayasi Yathasi Tathanumitasirate

ayi jagato jananī kṛpayāsi yathāsi tathānumitāsirate

O mother of the world, you are as compassionate as you are known to be;

यदुचितमत्र भवत्युररीकुरुतादुरुतापमपाकुरुते

Yaduchitam Atra Bhavatyurari Kurutad Urutapam Apakurute

yaducitamatra bhavatyurarīkurutādurutāpamapākurute

do whatever is right for me here, and take away my great suffering —

जय जय हे महिषासुरमर्दिनि रम्यकपर्दिनि शैलसुते ॥ २१ ॥

Jaya Jaya He Mahishasura Mardini Ramya Kapardini Shaila Sute

jaya jaya he mahiṣāsuramardini ramyakapardini śailasute

victory, victory to you, slayer of Mahishasura, lovely one with braided hair, daughter of the mountain!

स्तुतिमिमां स्तिमितः सुसमाधिना नियमतो यमतोऽनुदिनं पठेत् ।

Stutim Imam Stimitah Susamadhina Niyamato Yamato Nudinam Pathet

stutimimāṃ stimitaḥ susamādhinā niyamato yamato'nudinaṃ paṭhet

Whoever recites this hymn every day — calm, focused and disciplined —

परमया रमया स निषेव्यते परिजनोऽरिजनोऽपि च तं भजेत् ॥

Paramaya Ramaya Sa Nishevyate Parijano Rijano Pi Cha Tam Bhajet

paramayā ramayā sa niṣevyate parijano'rijano'pi ca taṃ bhajet

is served by Lakshmi herself, and friends and even enemies come to honour them.